" लेक "
" लेक " हो ना ती लेक असते ........... जन्माला येऊन आयुष्य सुगंधित करणारी ती लेकच असते ............. तिचे टुमदार डोळे आणि चेहऱ्यावरचे पहिले निरागस हसू बघून सगळ्या वेदना विसरायला लावणारी ती लेक असते ........... जेव्हा ती लुटूलुटू चालायला लागते ना तिच्या छुमछुम पैंजणांनी घराला घरपण आणणारी ती लेक असते.......... जेव्हा हळू हळू ती बोलू लागते आणि पहिल्यांदा आई म्हणते ना तेव्हा मायेचा भावनांना बहरून आणणारी ती लेक असते ............ जशी ती मोठी होऊ लागते तिची आणि माझी गट्टी होते आई आणि लेकीच्या नात्याला मैत्रीत रूपांतर करणारी ती लेक असते ........ चढाओढीच्या जीवनात जेव्हा दुःख असहय्य होते ना त्या दुःखांना नकळत सुखात बदलवणारी ती लेक असते ......... काळोखमय पाऊलवाटेचा दिवा असते कोरडवाहू आयुष्याचा निखळता झरा असते आसवांनी घागरीगत भरलेल्या डोळ्यांमध्ये क्षणात हसू आणणारी ती लेक असते .......... वैतागलेल्या आयुष्याचा अंकुर असते संपलेल्या प्रत्येक आशेचा किरण असते जिच्या सहवास आणि निखळ हस्याने नव्याने आयुष्य फुलवणारी ती लेक असते ...............